美新茶餐廳 (已結業)

講起就火滾啦我食野一向都無乜要求，但係畀d咁既野我食，我就一定要上黎講囉~見到時日午餐，都唔多岩胃口，咪攞起餐牌睇啦，都係普通茶餐廳既貨色。最後叫左"咖哩牛腩飯"同"焗葡汁雞皇飯"，凍熱奶茶各一。黎先既係"咖哩牛腩飯"，我一睇，嘩，d咖哩汁(唔應該叫汁)，叫湯!!d咖哩汁好係d湯咁稀，我都知有d唔對路，食左舊牛腩，哼!完全唔辣。所謂既港式咖哩有2種，1)要辣(有錯請指正)2)唔辣，但係好香既椰漿味既。(有錯請指正)但係又一d都唔香，得個鹹字!大佬，我叫咖哩牛腩，唔係鹽水牛腩喎(我聽到個waiter攞過黎果陣係講"咖哩牛腩飯"所以唔會黎錯單!!)d牛腩仲要超肥，1舊牛腩有一半係肥膏!!哩碟係我食過最難既咖哩牛腩飯!!焗葡汁雞皇飯黎果陣個樣都唔錯，不過就真係得雞同飯，無其他配料囉我先試一試個飯，好波!!係完全無椰汁味既!!舊雞就唔洗講啦，一定唔會有葡汁味啦咬左舊雞一口，又係得個鹹字!我懷疑有用梳打粉醃雞好老實，周圍有唔小食肆，我相信$40蚊可以係附近食到有質素既野囉!!哩d咁既茶餐廳，去一次就夠啦。2個人total $80