牛八和牛燒肉屋 (已結業)

啲野食同服務垃圾到不得了。啲侍應係咁傾計好難叫，過到黎又唔耐煩，如果係好忙好多客都可以理解，但偏偏個場都只係坐得半滿。食物方面，啲牛肉不論叫醬汁鹽醬或蒜茸味既肉都係同一隻味，叫野食又漏單，野飲又去錯隔離枱，想提提佢黎哩枱又叫極都聽唔到急急腳走，完全唔彩人，最後又拎返過黎。其實入到去啲枱得一半滿，唔明點解都可以做得咁差。食到咁上下想叫個甜品，送到上枱真係呆左下。個窩夫軟綿綿成條毛巾咁，仲要係凍既。同個男侍應反映，佢就話「係阿，係凍咖，跟雪糕黎所以係凍。你可以燒一燒佢。」語氣態度仲要極差，自問同佢講野都客氣，只係想佢同廚房反映下，睇下會唔會可以整返好啲，估唔到係得到個咁差既回覆。概括來說：又要等，又唔平，野食質素一般偏低，服務除左個男侍應態度極差之外都係一般。唔係求氣想普通食飯既話建議去第二間。