新興發粥店 (已結業)

我同朋友叫咗兩個盅頭蒸飯（梅菜蒸肉餅and 臘腸蒸雞)，滿心歡喜等左十分鐘，終於有得食，結果係凍嘅，一啲都唔熱。個餐牌寫住即叫即蒸，但好明顯係一早蒸好然後擺喺度，等有人叫再喺咁易整熱佢(因為啲餸係熟嘅）。我地食左兩啖就放棄，因為越諗越唔妥。個門面裝修得再好都無用，垃圾食物。本來諗住下次去再叫煲仔飯食，不過一定唔會再嚟，點知佢會唔會又係晨早整好，然後求其加熱。最嬲係餐牌寫明「即叫即蒸」，我地就係因為呢四隻字先行入去食。如果做唔到，就唔好咁寫，欺騙消費者。