和歌山 (已結業)

呢條街, 真係越開越多餐廳, 今日比呢間餐廳呼喚緊我, 所以就入去食下,裝修幾和風既日式餐廳, 開揚得黎幾有空間, 位置又近地鐵站, 落雨都唔駛點淋到,對呢區黎講, 食物價錢算合理.本來我只係想叫一個蒜香和牛粒拉麵, 後來侍應哥哥推介話今日魚好新鮮,最後我都點埋, 反正等朋友黎, 都唔知要等幾耐, 叫多D可以邊食邊等.呢個魚名堂幾得意叫 "魚一夜干燒".等左一陣, 侍應哥哥把蒜香和牛粒拉麵送上, 個湯底好清, 佢地係用鰹魚雞湯, 無平時出面食咁濃味, 但都唔錯.個牛肉就係用和牛切薄粒, 其實我覺得同牛扒粒都幾似, 但質地軟身, 而拉麵都算有感口, 幾彈牙. 整體都唔錯.呢個 "魚一夜干燒" , 唔知條魚叫咩, 不過我幾鍾意, 因為我都幾鐘意食燒魚.條魚燒到唔會太乾, 肉質都幾滑, 落埋個西檸汁, 我覺得成條魚味道仲出, 好食!好在我個朋友係個拉麵岩岩到左唔係好耐就黎左, 如果唔係我一個人可能會食唔哂, 佢都讚個魚好食. 之後我地食完就出發去Shopping.我老公好鐘意食日本野, 佢應該會幾鐘意呢間和歌山日本料理店, 下次有機會一定會同佢黎食. ^V^