影片
更多
2023-02-13
148 瀏覽
基地叁“重奏 $128Parma Ham配蜜瓜清新；柚子漬海鮮有好濃嘅柚子味，酸酸哋好開胃；法式田螺配薯蓉好香，田螺大隻入味，薯蓉幼滑。味道一層比一層好，我覺得一人食一個三層架都唔過份😆墨魚沙律 $88墨魚🦑好大隻，食落好爽口風乾火腿薯仔忌廉湯 $68味道唔算太濃唔會好溜，入口順滑基地海鮮湯 $88湯嘅味道好濃好rich，仲有好豐富嘅海鮮，有大大隻帶子、蝦同魷魚法式紙包焗比目魚 $208打開有驚喜，有好香嘅檸檬牛油味🤤用紙包住焗可以保持到魚油同Rosemary嘅香氣，Rosemary同檸檬係特別夾嘅食材。比目魚肉質好嫩滑，啲汁又好creamy，推介👍🏻炭烤安格斯肉眼 $248Order咗Medium Rare，切開真係好粉嫩，真係食到有炭燒香味，同埋食落油脂均勻黑松露羊T骨 $248羊T骨肉質係特別鮮嫩多汁，呢個推薦畀鍾意食羊羶味嘅朋友，呢個加咗黑松露汁嘅羊T骨油脂豐富，濃濃油香，邊位仲好焦脆👍🏻Crème Brûlée Hazelnut Frappé $68雖然係bar restaurant，但呢度嘅non-alcoholic嘅飲品都好出色，呢杯係嘅signature嘅特飲，焦糖燉蛋
基地叁“重奏 $128Parma Ham配蜜瓜清新；柚子漬海鮮有好濃嘅柚子味，酸酸哋好開胃；法式田螺配薯蓉好香，田螺大隻入味，薯蓉幼滑。味道一層比一層好，我覺得一人食一個三層架都唔過份😆
墨魚沙律 $88墨魚🦑好大隻，食落好爽口
風乾火腿薯仔忌廉湯 $68味道唔算太濃唔會好溜，入口順滑
基地海鮮湯 $88湯嘅味道好濃好rich，仲有好豐富嘅海鮮，有大大隻帶子、蝦同魷魚
法式紙包焗比目魚 $208打開有驚喜，有好香嘅檸檬牛油味🤤用紙包住焗可以保持到魚油同Rosemary嘅香氣，Rosemary同檸檬係特別夾嘅食材。比目魚肉質好嫩滑，啲汁又好creamy，推介👍🏻
炭烤安格斯肉眼 $248Order咗Medium Rare，切開真係好粉嫩，真係食到有炭燒香味，同埋食落油脂均勻
黑松露羊T骨 $248
羊T骨肉質係特別鮮嫩多汁，呢個推薦畀鍾意食羊羶味嘅朋友，呢個加咗黑松露汁嘅羊T骨油脂豐富，濃濃油香，邊位仲好焦脆👍🏻
Crème Brûlée Hazelnut Frappé $68雖然係bar restaurant，但呢度嘅non-alcoholic嘅飲品都好出色，呢杯係嘅signature嘅特飲，焦糖燉蛋味嘅奶蓋，再飲落去係濃郁嘅咖啡味，味道同造型都係咁有層次
Banana Mocha $58
如果想飲熱飲嘅可以試下呢杯，拉花圖案係一隻飛馬夠哂特別，朱古力香得嚟，香蕉味都好出
Bartender’s Special $98 係menu上冇嘅cocktails，用蜜瓜味嘅liquear再加菠蘿汁調配而成，再加上蛋白做foam，好易入口，味道甜甜哋啱女仔飲
🎆成間餐廳都係藍紫色調，好有Cyber感，有種喺太空船用餐嘅感覺。因為有打燈，型格得嚟影相唔會暗，好啱打卡，食物影出嚟都好靚🤩
張貼
