Tapa Room (已搬遷) 新店位置

唔係地膽朋友帶路，都唔知道原來君臨海域酒店隔離有間咁有特色嘅西班牙餐廳！ 門口係非常有型嘅霓虹燈做主要裝飾，入面嘅枱櫈都係高枱櫈為主，而且同樣貫徹始終以霓虹燈為裝飾，簡潔卻甚具特色！棒棒鵝肝賣相有啲似平時食開嗰種糯米糍， 伴碟同埋包圍住鵝肝嘅係開心果碎， 而鵝肝係用白酒煮過口感同用煎嘅煮出嚟嗰種入口即溶嘅口感唔同， 有啲咬口之餘鵝肝味仲好濃而且唔會膩， 完全一改我對鵝肝嘅食法！薄切慢煮八爪魚醬汁係以番茄醬、橄欖油同香草而成 ，啱啱放上枱已經聞到香味 八爪魚薄薄一片， 唔韌口仲好腍添！ 味道帶點鹹香同微酸，做前菜真係一流！🤟🏻巴塞隆拿式烤紅蝦西班牙紅蝦重點係蝦頭，果種濃縮嘅鮮甜，配合惹味嘅配料，蝦豪令人上癮回味！而蝦身嘅肉質亦嫩而不散， 蝦殼亦脆身到可以連殼食😋炸西班牙小青椒 小青椒油潤光亮，入口不膩，調味簡單，但卻鹹香惹味，佐酒一流！🙌🏻西班牙海鮮飯海鮮如大蜆、蝦同青口全部都好新鮮，而飯底係傳統嘅濕潤口味，飯粒分明又煙韌，加埋特色忌廉同檸檬嘅調味，濃香得黎又不缺清新，好味得黎性價比都幾高！👍🏻