影片
更多
2021-04-02
60 瀏覽
自己本身都幾鍾意貓，一直都知道香港有唔少以貓做主題嘅餐廳，今日過嚟荃灣呢邊，搵到呢間餐廳都係以貓做主題，雖然冇真貓，但係整體嘅氣氛都唔錯，仲有開放式嘅Bar，同情侶嚟食嘅話都幾浪漫。我同朋友二人揀咗兩個套餐，套餐包埋沙律湯主菜同埋甜品。首先就係湯，《大蒜薯蓉》，蒜味香濃，結結地好好飲，配埋佢哋自家製嘅竹炭麵包，唔錯。飲完湯之後就到沙律，沙律就正正常常冇咩特別，但係幾新鮮，側邊有橄欖油同埋醋可以自己加。之後就到主菜《烤紐西蘭肉眼牛扒伴香濃燒汁》$268我哋要咗五成熟，出到嚟真係比嘟5×，唔會overcooked或者太生，牛扒好Juicy，亦都好重牛味，好正，略嫌有少少乾，需要點多啲汁，整體都唔錯，值得一讚係配菜份量多，有德國酸菜、薯蓉、雜菌！《西班牙豬腩辣肉腸炒飯》$168好耐冇食西班牙炒飯，辣肉腸同埋豬腩同炒飯融合埋一齊，食落都好香口，同其他西班牙炒飯唔一樣嘅係佢冇咁重口味，食得清淡嘅朋友都可以食，飯粒嘅口感都唔錯，唔會太林幾啱我。最後就係甜品，Mocha蛋糕，雖然外表唔係太突出，但估唔到味道都幾好，咖啡同埋朱古力味都好出，忌廉都好幼滑，好味！影相都唔錯，可以邊食嘢邊打個卡，店員嘅服務
我同朋友二人揀咗兩個套餐，套餐包埋沙律湯主菜同埋甜品。
首先就係湯，《大蒜薯蓉》，蒜味香濃，結結地好好飲，配埋佢哋自家製嘅竹炭麵包，唔錯。
飲完湯之後就到沙律，沙律就正正常常冇咩特別，但係幾新鮮，側邊有橄欖油同埋醋可以自己加。
之後就到主菜《烤紐西蘭肉眼牛扒伴香濃燒汁》$268
我哋要咗五成熟，出到嚟真係比嘟5×，唔會overcooked或者太生，牛扒好Juicy，亦都好重牛味，好正，略嫌有少少乾，需要點多啲汁，整體都唔錯，值得一讚係配菜份量多，有德國酸菜、薯蓉、雜菌！
《西班牙豬腩辣肉腸炒飯》$168
好耐冇食西班牙炒飯，辣肉腸同埋豬腩同炒飯融合埋一齊，食落都好香口，同其他西班牙炒飯唔一樣嘅係佢冇咁重口味，食得清淡嘅朋友都可以食，飯粒嘅口感都唔錯，唔會太林幾啱我。
最後就係甜品，Mocha蛋糕，雖然外表唔係太突出，但估唔到味道都幾好，咖啡同埋朱古力味都好出，忌廉都好幼滑，好味！
影相都唔錯，可以邊食嘢邊打個卡，店員嘅服務態度都好好，聚會嘅話都幾合適。
張貼
