基地叁 (已結業)

肥雞一入到去，即刻見到好多網紅喺度不斷打卡，成間餐廳嘅燈光都呈紫色，一片星海，真係好靚。熄咗個香葉辣炒豬肉包生菜，香香辣辣非常之野味。再加上山菜新鮮嘅口感，俾人嘅感覺非常之清爽。佢嘅忌廉蘑菇湯係用真蘑菇打成而唔係用罐頭，濃烈嘅黑松露醬，給予人一種高貴嘅感覺。黑松露薯條就係同行友人最愛嘅一個餸，熱辣辣嘅薯條配埋濃鄉黑松露沙律醬，又係啲非常香口嘅食物。再整多個海膽忌廉意粉，佢嘅海膽俾得一啲都唔吝嗇，忌廉醬配埋鹹香鮮甜嘅海膽，再配上西班牙扁意粉，真係兩三啖就扒晒。