影片
更多
2013-07-27
917 瀏覽
「八千代麵坊」位於中環擺花街Pizza Express樓上，從中環扶手電梯行上去需時只要5至10分鐘左右，非常方便中環的上班一族。由於從好遠已經可以望到好大隻既「Pizza Express」 logo，所以就算平時唔係喺中環返工、遠度而黎既人都應該唔難搵到佢。或者因為薄有名氣既關係，所以就算唔係位處九如坊「拉麵區」一帶依然不乏捧場客，是日於中午十二點二十分已經全場滿座。走既時候雖然已經一點有多，但係外面重有唔少等食既OL！入去坐低唔夠一分鐘，waitress首先奉上茶同埋餐前小食。貫切一貫正宗日本拉麵店既作風，杯茶有少少凍之餘亦唔會好似冰水咁誇張，既解渴之餘亦唔會凍親肚仔。那餐前小碟十分特別，用油同埋少少鹽醃製既豆角同埋海帶醒神開胃，絕對係入正題之前既刺激味蕾既最好點綴！拉麵既選擇唔多，大概只有5款左右。就咁睇相每款既差別不大，麵質應該都係好相近，只係豚肉既種類同埋湯底略有不同而已。不過，除此之外重可以選擇沾麵同埋其他既小食好似餃子咁，以咁既規模既小店黎講，可以有咁多既種類絕對係喜出望外！食物上菜既速度非常之快，order之後前後不到十分鐘已經有野食。從價錢黎講($88)，「八千代叉燒
或者因為薄有名氣既關係，所以就算唔係位處九如坊「拉麵區」一帶依然不乏捧場客，是日於中午十二點二十分已經全場滿座。走既時候雖然已經一點有多，但係外面重有唔少等食既OL！
入去坐低唔夠一分鐘，waitress首先奉上茶同埋餐前小食。貫切一貫正宗日本拉麵店既作風，杯茶有少少凍之餘亦唔會好似冰水咁誇張，既解渴之餘亦唔會凍親肚仔。那餐前小碟十分特別，用油同埋少少鹽醃製既豆角同埋海帶醒神開胃，絕對係入正題之前既刺激味蕾既最好點綴！
拉麵既選擇唔多，大概只有5款左右。就咁睇相每款既差別不大，麵質應該都係好相近，只係豚肉既種類同埋湯底略有不同而已。不過，除此之外重可以選擇沾麵同埋其他既小食好似餃子咁，以咁既規模既小店黎講，可以有咁多既種類絕對係喜出望外！
食物上菜既速度非常之快，order之後前後不到十分鐘已經有野食。從價錢黎講($88)，「八千代叉燒拉麵」應該係鎮店之寶，不過麵質方面就有少少失望，冇得好似市面上大部份既拉麵店選擇軟硬度之餘（軟/適中/硬），麵質亦比附近同等價錢既拉麵為差，只係叫做比集團式製作之流好少少。不過，湯底就做得相當出色，飲到啖啖豬骨味之餘亦唔會成口油，而豚肉既數量更係我食過拉麵以黎最多（有6塊），幾乎可以啱啱一圈舖喺個碗面，而肉質亦都相當有口感，有少少肉味之餘又唔會太over鹹到死咁。不過，要批評既係糖心蛋，如圖所見流心當然搵唔到，而個蛋黃好似有少少煮得over咗，令到賣相差左少少，不過勉強叫做不過不失，比個合格佢啦！
鹽味拉麵($80)方面，佢用左一D好似雪菜既材料去replace紫菜。呢個做法比較特別，相對少見，但係果D雪菜既物體反而可以更加開胃，放落D湯後更加可以中和返湯既味道。拉麵裏面既豚肉同「八千代叉燒拉麵」果D略有不同，用左一種有少少似食自助餐果D火雞既品種，雖然口感略「鞋」，但反而可以更加食得出肉既質感。可能因為用左少少「鹽味」既調味料，口感非常solid之餘更加同一般拉麵上面果D一舊舊痴埋一齊既「合成肉」比完全超晒班，值得一試。糖心蛋方面，今次就絕對交足功課喇，蛋黃有少少流心之餘又唔會好似煮唔熟咁一pat野。我諗「八千代叉燒拉麵」上面既experience應該都只係一時失手啫，所以比次機會佢。
特別要讚一讚既係侍應既服務態度。唔知幾時開始，香港既拉麵店興起「收加一」既熱潮，有D 近乎「self-service」自己加水、自己出去埋單既舖頭都要收加一，簡直離晒譜。呢度雖然都要收加一，但絕對抵俾，侍應頻頻加茶之餘更加十分有禮，埋單既時候亦都識得講「多謝晒」等等一D自稱「人氣拉麵店」已經違忘既基本禮貌。不過，單係喺中環已經數得出十間八間競爭對手既情況下，佢地一定要諗辦法吸引更加多客人回流，唔好一味只係俾報章雜誌既所謂「潮流」牽著走！
張貼
