影片
更多
2023-05-07
45 瀏覽
中環雲咸街最近開咗間新派韓式扒房，灰色水泥外牆嘅門面，一唔小心就好容易錯過。打開神秘嘅大門，燈光昏暗，充滿格調！當日試手左4道菜嘅brunch set，另外加配左free flow package，係近期食過高質嘅一間餐廳！4-course brunch set ($580/pax) JJJ House Salad以沙律開一開胃，有新鮮沙律菜、炸蓮藕片、青瓜、海藻等，清新爽脆，夠曬輕盈。Quesadilla 以香脆餅皮包裹住豐富嘅熟成牛肉同芝士餡料，牛味相當濃郁，芝士更有拉絲效果，邪惡萬分，搭配甜甜地嘅秘製醬汁，令味道進一步昇華。Tteokbokki Bolognese炒年糕煮法相當特別，醬料並非韓式辣醬，而係用左番茄肉醬，口感煙韌彈牙，頗新穎嘅一道西韓fusion菜式。Seafood Pancake （+$50）小編一向唔係特別好海鮮煎餅，因為市面大部份都係以麵粉為主，但呢到食到嘅可以用驚為天人黎形容！餅皮煎到好香脆，海鮮比例仲多過塊餅，每啖都食到新鮮八爪魚同海蝦，極力推介！8 oz 45 Days Dry Aged Ribeye Steak（+$120）牛扒表面煎至香脆可口，比一般
4-course brunch set ($580/pax)
JJJ House Salad
以沙律開一開胃，有新鮮沙律菜、炸蓮藕片、青瓜、海藻等，清新爽脆，夠曬輕盈。
Quesadilla
以香脆餅皮包裹住豐富嘅熟成牛肉同芝士餡料，牛味相當濃郁，芝士更有拉絲效果，邪惡萬分，搭配甜甜地嘅秘製醬汁，令味道進一步昇華。
Tteokbokki Bolognese
炒年糕煮法相當特別，醬料並非韓式辣醬，而係用左番茄肉醬，口感煙韌彈牙，頗新穎嘅一道西韓fusion菜式。
Seafood Pancake （+$50）
小編一向唔係特別好海鮮煎餅，因為市面大部份都係以麵粉為主，但呢到食到嘅可以用驚為天人黎形容！餅皮煎到好香脆，海鮮比例仲多過塊餅，每啖都食到新鮮八爪魚同海蝦，極力推介！
8 oz 45 Days Dry Aged Ribeye Steak（+$120）
牛扒表面煎至香脆可口，比一般牛扒更軟嫩，牛味更濃郁，亦能鎖住肉汁，沾上喜馬拉雅鹽作簡單調味已經相當美味。更可以紫蘇葉配搭大蒜及大醬食用，係另一番風味。
Spicy Stirfried Octopus （+$80）
八爪魚相當煙靭，新鮮有咬口，以韓式辣醬再加入洋蔥、香菇等配料炒香，非常惹味～ 男朋友表示好滿意，小編略嫌調味重咗少少。
Ice Cream
有人蔘同米酒兩款口味。小編比較鍾意後者，甜甜地，亦有陣陣酒香。前者亦唔會有太大苦澀味，奶味慢慢會滲出黎，都幾特別！
Free Flow Package (+$400)
飲酒之人一定要加配無限暢飲套餐，任飲紅白酒、香檳、燒酒、啤酒等。小編極力推介大家試吓餐廳自家調製嘅燒酒，每款口味都好特別，小編私心推介桂花味，當中加入本地蜜糖，以蜜糖襯托淡淡嘅桂花香。人蔘味亦值得一試，另有菊花、梨、蝶豆花等。
張貼
