Black Coffee

營業中

休息中

位於旺角廣華街嘅呢一間特色Cafe，以黑色做主題，餐廳走型格低調路線，真係好特別啊。今晚同朋友喺旺角食飯決定去型番晚。水牛城雞翼水牛城雞翼，雞翼食落都Juicy，外皮都香脆，雞翼一咬開就甩骨，正！兩個人嗌細份都好夠食。凱撒沙律配慢煮口水雞凱撒沙律可以選配唔同，配雞胸就食得多，今次我就揀咗慢煮口水雞。雞肉一啲都唔柴口，而且微辣口感加上新鮮沙律菜，真係好開胃呀。香煎三文魚另外選配左一客香煎三文魚，三文魚外皮煎得香脆，而且肉質都嫩。喇沙汁炒意粉配虎蝦呢款意粉超特別，喇沙汁炒意粉，意粉炒得乾身，而且彈牙，虎蝦仁都足料。竹炭黑芝麻鮮奶呢間餐廳以黑色為主題，梗係要嗌番杯竹炭黑芝麻鮮奶啦，熱嘅呢一款拉花都好靚。黑芝麻味濃郁甜度適中，冬天飲都唔錯。價錢都合理，兩個人食咗$497，每碟份量都幾大，最啱同朋友一齊share嚟食。