辦館 (已結業)

上次去中環蘭桂芳，經過見到斜路有間貌似coffee shop ,望入去似間賣護髮用品店，再望樓上有間有型salon ,所以特登搵個afternoon tea time 黎試下。Menu 簡單，一版多士一版咖啡飲品。叫左野食可以慢慢睇吓shop內型人飾物，另一邊係護髮用品。先來杯Rose Latte$34,好靚既拉花，玫瑰花好特別打碎了，令花香味更突出。多士叫了沙爹安格斯牛肉溫泉蛋多士$78，西式材料，local 的沙爹煮法，配搭獨特，隻溫泉蛋一切吓，蛋漿湧出來。另一個叫了Parma ham 火箭菜多士$68，面層有厚厚芝士，好似pizza 味道。再配了cold brew 冰滴咖啡$32，冇酸味，濃香咖啡,見到店也有一包包自家品牌咖啡粉可供購買添。好多野想試，再叫埋個綠茶芝士餅套餐，cheese cake 有淡淡綠茶香味，唔會好實好溜，帶點鬆軟芝士。跟餐$48再黎一杯 regular coffee ,好大杯，超值套餐，咖啡面見少許油焦，味道香濃。過左一個品味咖啡既悠閒下午真不錯。