sensory ZERO (One Island South ) (已結業)

第一次嚟呢間，晌門口睇咗一陣，望見入面D裝修好特別，好型格！價錢中等，於是同阿仔決定入去試下。入到去，睇真D，仲更驚喜！現場有人晌度練習……好似係格鬥。一邊食，一邊睇人練習，又幾新鮮噃，或者係我哋少見多怪啦！呢度Menu 講明係用日本米，我哋淨係叫咗兩個飯，都好滿意，咖啡都唔錯，可惜得兩個人，未有機會試多D，下次一定會嚟試多幾款，睇下係咪都得先？環境好舒適，樓底好高，地方又寬躺，可能係星期日，呢度屬於工廠大厦、寫字樓區，所以冇乜人，坐得更舒服。