大吉居酒屋 (已結業)

　　原來星期日晚上8時45分這時段都係每位138加10%，都係好抵，所以昨晚同個仔及他的女友再來。　　星期日下午至打去訂都有位，夠鐘去到等佢執好枱就可以入座，都好爆。　　刺身：三文魚最好，章紅都ok，但甘蝦就麻麻，其他的大多有根，咬口唔好。　　卷物：吉列蝦卷和炸軟殼蟹卷都好食。　　炸物：芋頭和蠔都係麻麻地，蝦同其他都ｏｋ，粉不算厚。　　和食：牛乳海鮮鍋．．正，粟米牛油好味，雪花牛柳粒就麻麻。　　燒物：鹽燒秋刀和青魚都正，串燒和牛就比雪花牛柳粒好食好多，我就唔食牛肉的，但　　　　　個仔同佢女友就有encore，焗蠔都係唔好食。今次個迷你鰻魚飯無上次咁好味。　　主食：冷蕎麥麵好味。　　因為三人都不大喜歡食沙律，故沒有order。　　侍應們態度一樣良好，今次沒有上次食6pm-8:30pm那時段的擠擁，所以看不到有5人坐4人枱的情況，但始終因為樓底不高，枱放得多，所以當然會有迫的感覺。　　都係那一句，埋單每位152這價錢就真的食得過，但正價就會有其他選擇。