八蠔吧 (已結業)

有人話好耐無食蠔🦪除咗耐無食蠔，我都好耐無見佢，所以要帶佢食好啲。入到去環境都幾有氣氛，仲見到好多嘅生蠔係個櫃裏面。今次我哋每樣叫咗一隻，嚟到嘅時候店員建議我哋食法係由1號食到6號。我哋都好聽話咁跟住食，就係有淡味食到濃味，真係好新鮮，幾好。慢煮雞胸肉配雞汁 $228超級鍾意食呢個，本身我都好鍾意食慢煮嘅肉，因為慢煮係用咗低溫處理，肉質會偏嫩口。雖然雞汁好似好普通，但配左落去都幾夾，因為佢肉質偏滑，再配埋佢個超級無敵好食嘅薯蓉，簡直係有戀愛嘅感覺，所以超級推介食呢個。夏季蔬菜燴意大利飯 $188Risotto本身係一樣我覺得都幾肥嘅嘢，但佢呢個唔會好膩，而且佢係配搭左蔬菜，成個變得好健康。自家製意大利芝士餅 $68超級無敵嘅邪惡，佢係勁多嘅芝士，同埋佢嘅芝士唔會話好硬身，食完呢個超級有罪惡感。