廳2 (已結業)

估唔到我3點幾鐘落錯車、搵唔到地方同家人食野，行行下黎到呢處俾我發現呢間tang2，仲有多國嘅好野食添。我共叫左4樣野：麻香口水雞、和風豆腐沙律、西班形辣肉腸長通粉同芋蓉燉鮮奶。好野呀！連甜品都唔洗搵過個地方食呀。其實我完全未見過黑色的口水雞，用竹絲雞去做顯得不惜工本好多。擺碟都好精美、似蛋糕多於口水雞。生蒜芝麻辣油夾埋一齊襯埋滑滑的竹雞絲，又完全係傳統的四川風味bo！就咁食或加個白飯都fit!和風豆腐沙律又真係幾日本架^^，喺邊邊有芝麻醬同青豆醬。豆腐輕輕炸左，外脆內軟。沙律菜比平時食開的特別好多，唔係菜黎架，係海草黎架。咁又即時日式左啦，相信比一般菜更健康;)。個長通粉充滿左芝士味，但完全唔膩。西班牙辣肉腸咸香可以更帶出芝士的濃味，而長通粉的軟硬度適中、>3<彈口得來又吸收曬個汁啲味，讚！最最最正、最有保證係個芋蓉燉鮮奶@@。平時用作做甜品的芋頭好多都會腥腥臭臭，但呢度個甜品芋頭蓉香到好似「熱的」「芋頭雪糕」咁<3，不論味覺嗅覺都好優勝，令人好想一食再食。燉鮮奶暖暖的、香滑冇渣，同芋蓉好夾。配埋伴碟的兩塊合桃酥仔，感覺又返返去中式菜系了。