城寨煲皇

尖沙咀呢間回到過去既火鍋店，用既係九龍城塞既裝修，好似返左去舊時既香港咁，着件旗袍黎打邊爐都仲得呀🤪火鍋配料呢度真係好多選擇，牛我地就試佐火焰旺醉牛同掛架牛頸脊，火焰旺醉牛係本身牛肉已經醃好，上枱果陣就會用火槍去燒，燒到啲酒味出晒黎，牛肉係鮮牛，特別鮮嫩，又有啲酒味，好濃味，醉香濃郁！！另外牛頸脊都係好鮮嫩，油花唔會過多，牛味香濃！！海鮮我地就試佐無骨脆鯇片，魚肉肉質嫩滑，味道鮮甜，再吸收埋啲湯汁，更加香呀！！打邊爐最重要既湯底呢我地就試佐城寨龍鳳雞煲翅，呢個係4人份量既，湯煲到金黃色，非常濃郁，好粘口，係滿滿既骨膠原，花膠大隻起膠，好彈牙！！我地仲試埋呢度既秘制生牛肉刺身，真係一試難忘，生牛肉一啲都唔腥，反而好鮮味，牛味好濃，口感好鮮嫩，滑滑地，加埋啲洋蔥木魚絲秘製醬汁呢啲去撈，非常特別！！