馬仔粉麵

營業中

休息中

市政大廈哩間馬仔粉麵早上賣粉麵一到夜晚就變身做火鍋，呢度主打係沙嗲湯底和牛肉，賣的都很有懷舊風味。牛肉是真正手切冇冰，一份大牛肉（$280）成座山仔咁高，和現時大多火鍋店所用的紙片安格斯完全係兩回事（而家好多火鍋牛肉都追求油花同入口即溶，反而令人懷念牛肉個咬口同肉味）。沙嗲湯底濃情化不開，可以較甜和太濃，吃落會較漏，建議點個雙併中和番。望望周圍既食客，你一言我一語 跟住豪邁地唱飲，呢啲就係我哋嘅草根文化！提提大家如果想食埋泰國嘢可以去格離嘅泰國餐廳落order ,佢地會送過黎㗎！by the way, 如果要同方榮記比較，湯底我會揀方榮記，牛肉會揀馬仔（但牛肉final boss 當然是新東記，但一分錢一分貨吧)。另外有各類火鍋料，只分兩個價錢，$45和$70,還可雙併，人少少也可食多幾款。其實馬仔粉麵真係有賣粉麵，不過我就未食過（因早上去多數食樂園), 但馬仔粉麵部將會係9月19日光榮結業，fans/想試下的就要快d去喇。