Antoshimo Cafe & Bakery (Mikiki) (已結業)

呢間我間唔中都有去，因為黎親都唔洗排隊👍👍好奇怪mikiki開間，荷里活廣場嗰邊又開一間，但其他區就唔多見佢地蹤影🤔🤔🤔講返食物，都係一款餸再加一個炒飯或烏冬，質素個人覺得保持到，佢地啲餐都幾ok，而且每隔一排就會轉下餐牌，又會推下新野食，如果1-2個月黎一次，新鮮感係會幾高。早排佢地出左個乜沖繩麵，而加冇左，如果出返就好。套餐包埋甜品雪糕冬甩，幾好食，可惜跟餐既永遠只得一款雪糕一款冬甩，如果可以轉下口味或多1-2款選擇，咁我地食野會開心啲。