春水堂 (東港城) (已結業)

食過好多次好友買嘅春水堂外賣，今日終於同佢一齊嚟到堂食😊😊。平時喺外面等外賣，只係見到鋪頭嘅出面，就以為間餐廳比較細。今日入去堂食，就發現原來間舖頭係好大，好深嘅😅😅。半筋半肉番茄牛肉麵以為加咗蕃茄會影響到個湯底，但冇，牛味仍然濃郁，筋同肉均炆到好淋。麵條用咗關廟刀削麵，有咬口。手工麻香麵線呢個麵一上枱，好友同我都覺得「伏」咗😳😳。除咗份量好少，底下嘅麻油水汪汪，一點麻香味都沒有，唔會有下次㗎啦。黃金香酥雞呢個雖然賣相普通，但食落非常好味，外皮雖然炸得香脆，但內裏雞肉仍然保持得非常嫩滑👍。慢煮豬手外賣雖然成日叫，但依然冇食到厭，堂食仍然要encore🤣，好食在於佢個醬汁非常濃郁，啲肉汁滲透哂係豬手入面，惹味非常！好友叫咗熱珍珠鐵觀音奶茶，荼味唔係好突出，但啲小珍珠就好煙韌好有咬口。而我個杯朱古力珍珠奶茶，面頭鋪咗啲美祿粉同 pretzel，朱古力味若然唔夠濃郁。