一起 (已結業)

潮式生醃螄蚶（單點$58），份量多，肉質爽口，因為第一次食，唔係幾識欣賞佢嘅鮮味。蒜蓉燒原條茄子（單點$48），表面鋪有蒜蓉、指天椒、香蔥、孜然粉，茄子食落好Juicy。酥炸吉列蠔（單點$38），口感酥脆，生蠔肉質肥美，味道鮮甜。四粒酥炸一口芝士（單點$38），口感香脆，芝士食落好Creamy。蒜蓉牛油焗金菇（單點$32），略嫌蒜蓉、牛油嘅味道無想象中嘅咁濃香。香燒孜然韭菜（兩串$32），表面掛滿孜然粉，味道鹹香。麻辣一口吞（單點$28），豬肉味道濃厚，辣度3分。肉燥飯（單點$20），高CP值，幾大碗，肉燥食落充滿滷汁味道，部分肉燥肉質半肥瘦，配飯一流。話梅燒菠蘿（單點$18），兩種唔同嘅酸甜，味道豐富。肉桂燒菠蘿（單點$18），味道酸甜，帶有淡淡肉桂香味。勁辣一口腸（單點$18），辣度2分，食落好惹味。川燒娃娃菜（單點$18），調味唔會太重，食到蔬菜嘅清甜。麻香蒜芯苗（單點$16），口感爽脆。燒五香豆卜（單點$12），口感乾身，食落好香口。凍大杯檸檬茶（單點$25），飲落好清爽。王老吉（單點$14），味道甘甜。