日本野 (已結業)

今日同女友人行旺角， 係疫情下既旺角處處都係人山人海，就連我兩都忍唔住要出街逛逛.. 我地見好多地鋪餐聽都好多人排隊, 太多人咁聚餐好似唔係咁好.. 最後我地上左銀城廣場樓上食日本野..係堅日本野...因為間野真係咁叫.. 佢鋪內環境好寬躺，人口唔密集，感覺好安穩.. 野食方面我地叫左： 蟹籽沙律，芝士餃子，碳燒牛利串，碳燒粟米，碳燒茄子，碳燒秋葵，石燒霜降牛小排，，豚肉大阪燒，煙三文魚黎麥沙律，厚燒鰻魚玉子，冰鎮秋葵同埋甜品水信玄餅... 我地可能因為環境輕鬆感覺安穩所以好開胃叫左好多野食.佢既食物質數唔錯佢個芝士餃子好邪惡滿滿既惹味芝士包住d 餃子子真係正到爆 ,碳燒燒物黎講佢既燒茄子同粟米燒得好出色水份控制得好好，燒牛利都好爽口.. 跟住佢個石燒小牛排係自己燒既， d肉質都幾靚幾新鮮, 佢個鰻魚玉子真係好厚實我同女友人都停唔到口.. 最後女友人食埋個冰鎮秋葵， 佢話好新鮮爽口岩晒佢口味.. 最後我地食埋個水信玄餅就岩岩好飽住走啦.