汀汀烤活魚 (已結業)

依間烤魚好耐之前吃過，魚鮮嫩滑，今次特登嚟再回味下。佢喺荃灣西同荃灣之間嘅一條火鍋小菜街，寶石大廈嘅對面。除咗烤活魚同邊爐可以打，仲有炒小菜同小食可以嗌。依家正值入冬，有埋羊腩煲食，一應俱全。嗌咗嗰小食先，炸韮菜餃似係自家制，有啲菜餡多有啲肉餡多😹但炸得外脆，餡料鮮美，意外係超水準小食。另外嗌咗酸菜烤桂花魚，一魚兩食，有埋魚片可以淥。酸菜味唔算濃，但魚湯好好飲，加嘅湯水都係魚湯可以不斷飲，有埋隱約嘅酸菜香喺入面。烤魚本身有調味，有胡椒同孜然香。魚肉非常新鮮，頗有魚味，嫩滑細緻。成條魚食到最後都好嫩，保持到記憶中嘅味道🤤依個鮮度嘅魚，非常難得同抵食。