堅信號上海生煎皇 (花園街) (已結業)

今日去左旺角行街，行到肚餓之際見到呢間堅信號上海生煎皇，之前一直都好想試下，咁就二話不說入左去可以選擇食午餐或者下午茶，當然生煎包一定係必食仲會有其他特色食物可以選擇，真係樣樣都好想食店面吾算好大，不過d座位都坐得幾舒服先黎凍豆漿，行街行到個人好熱，飲一啖個人即刻降温幾度，好舒服，杯豆漿豆味都幾濃生煎包上場喇，一定要趁熱食。咬開少少包皮就會飲到濃郁既濃汁，啜晒d湯汁之後，再咬到索晒湯汁既豬肉。包底煎到脆卜卜，真係好食到停吾到口，每一啖都係滿足呢個擔擔面都係出色之作，湯底有微微既辣味同花生味，面條吸收晒湯既精華，而且面質煙韌。肉碎都十分香口，最後食到幾乎湯都飲晒上海粗炒都冇令人失望，一上枱已經聞到好香。每條面都入晒味，而且味道剛好，面質彈牙，又係好快就清晒堅信號果然係堅，今餐十分滿意，下次一定再幫襯