尚香 (已結業)

之前岩岩開個陣排晒長龍，想食好耐又唔想排隊.....終於比我等到啦，終於唔洗排隊，一於買個睇下佢巴唔巴閉先！佢係即叫即蒸，等左十分鐘左右先有得食，望住個湯包，正到講不出聲！首先今日凍凍地，個湯包又熱辣辣，吸啖湯包個身即時暖晒！果然係神奇的包子，相信夏天應該唔會有咁既感覺！吸下又吸下，啖啖濃濃既湯隨著獨有既飲筒，一啖一啖咁運送到口邊，湯底散發出鮮香蟹皇味，好有濃湯個種膠質感，超級好飲，都吸左十幾啖，湯量果然有番咁上下！打開湯包，入面竟然充滿蟹黃，夠晒驚喜！再叫左個蟹黃小龍包，熱辣辣，絕對可以媲美某台灣小籠包店，仲要價錢平一大半，性價比超高！絕對可以番check！