巧得鍋 (已結業)

第三次和朋友來這裡打邊爐，今晚難得較少人，四人可以坐大枱，比之前來闊落得多，而且還有充電位，夠哂體貼！前兩次都是火鍋，今次試新嘢點了巧得招牌雞鍋，一隻雞選小辣，辣度真小，適合我朋友們不吃得辣，雞件有成廿幾舊，未開始打邊爐已經飽咗一半，雞煲醬汁濃郁，雞件新鮮嫩滑，真係好好吃。醬油費不菲，每位$18，勝在配料選擇幾多。手打墨魚汁墨丸配自家製鮮蝦水餃，墨魚丸夠彈牙，鮮蝦水餃亦足料全隻鮮蝦，不過得三粒不夠分。炸魚片頭有好多舊，爽口結實，魚味幾出。即炸魚皮這個必點，淥一淥很脆又索到湯汁。油麥菜配萵筍，打邊爐最佳組合！檸檬青蘋果夠解渴，都幾甜。火鍋最重要湯底好，這個雞煲火鍋就連雞件都好吃，實屬難得。