北料南麵 (已結業)

行過元州街，肚餓想食下午茶，見到呢間麻辣湯、重慶食品麵店，呢個時勢，入面仲有7成滿座，感覺吾會錯，一定有好嘢食。因為喜歡食辣，所以餐牌上所有嘢都想食，最後點左個黃金皮蛋、麻辣豬大腸麵。上餐時間都算快，皮蛋顏色好金黃，好爽、甜，配上麻辣汁，好味。豬大腸麵，麵質好彈牙，口感好好，有種手拉蘭州拉麵既感覺。配上麻辣湯係堅好味，而且辣度剛剛好。豬大腸都算好味，但比起啲車仔麵檔嘅大腸，略嫌浸得未夠火候。最後老細見我食到成身汗，送咗碗甜品比我解下辣。臨走見到有個肥佬叫左碗麻辣豬手麵，啲豬手樣貌身材都好吸晴，應該好好味，下次試完再寫。