Peek-A-Poke (heath慶方)

營業中

休息中

#foodiezo食在尖沙咀 #foodiezo九龍篇第一次食PeekAPoke係喺銅鑼灣分店，嗰陣係夜晚禁堂食。。。所以當時係買咗外賣去維園食😅 成個公園都係食外賣嘅人，諗返就覺得好拎慘🫥 記得嗰陣一打開個飯，嘩咗出聲，啲飯係塞實曬！仲要勁多吞拿魚，總之個份量係夠2個人食😂 黎到2023，見到佢喺尖沙咀有分店，就去搵吓啲回憶，結果發現，佢嘅份量都係無少過🤣 通漲完全影響唔到良心小店嘅營運初衷，宗旨一定係要塞滿客人個肚😆 講真，我係超級欣賞同尊重呢個態度，好過好多又加價份量又少咗嘅鋪頭🥲 大食之人一定要多啲支持呢間小店！！！—————————————————————🥗自選風味碗 雙拼 $108（另加 海帶芽$10、鮮蟹肉 $15）本身呢個碗係包咗兩個主食、三種配料同埋醬😀 我揀咗必叫嘅吞拿魚同八爪魚、蟹子、豆腐、香菇☺️ 貪心想食多幾個配料就加咗錢叫海帶芽同鮮蟹肉🤓 我最欣賞係呢度所有嘢都會切到一粒粒，啱曬我呢啲懶𡁻嘢嘅人🤪 吞拿魚新鮮，係赤身嗰種，所以切粒就易入口好多 又無筋👍🏻 八爪魚好爽口，唔難咬開，推介大家叫鮮蟹肉，絕對對得住個價錢，啖啖鮮甜，加埋啲海帶芽食，好濕潤，層次感大增！