罌粟花 (已結業)

Opium，罌粟花依個名真係改得唔錯，因為依到食物真係好似罌粟令人上癮。惜日罌粟為香港帶來改變，今日罌粟為西環帶來改變。好受歡迎，好多人排隊差不多所有出品都食過，可以話性價比超好，依個價錢十分超值。先講BBQ汁安格斯牛肉漢堡，見到佢真係開心到笑左出黎，因為厚厚既漢堡，五成熟，肉汁juicy 肉味香濃，加埋芝士生菜蕃茄同埋起畫龍點睛之效既煙肉，麵包又軟綿鬆化，真係天衣無縫，好似好誇張，但我相信每一個burger lover都一定會同我一樣有咁既感覺。BBQ汁安格斯牛肉炸豬皮漢堡，同BBQ汁安格斯牛肉漢堡有咩分別？咪就係有炸豬皮，脆脆口感，未食過可以一試。鐘意重可以煙燻之後講另一signature，就係自家制蟹餅漢堡，點解係signature？因為以平傷人囉，令人嘩一聲，厚厚既蟹餅，加埋微甜既菠蘿包同埋太陽蛋既蛋汁，令炸過既蟹餅唔會太熱氣，可以食到啖啖蟹肉，真係好幸福。秘制香脆雞翼，炸得香脆，最得係個秘制醬汁，好好味。另一小食，香濃流心芝士蝦丸，最岩我依種芝士控，炸到外層脆身，入面蝦膠彈牙，最入面有芝士可以拉絲，正！吉烈豬扒三文治，又係好正，塊豬扒重大塊同好食過吉烈專門店果d，有豬味、香脆