影片
更多
2023-06-17
147 瀏覽
每次經過堅尼地城呢間紅色門面嘅法國小餐館，都好想入去試吓佢哋嘅法國菜，今次終於有機會!!⠀⠀Snails Poitou-charente AOP ($140)⠀Rolled Pork Tenderloin and Lard ($380)⠀Duck Leg Confit ($280)⠀Trio Madeleine ($140)⠀⠀Snails Poitou-charente AOP 🐌⠀佢哋嘅蝸牛係我係香港食過暫時最好食嘅蝸牛，僅次於係法國食過嘅Le Comptoir de la Gastronomie🤯 蝸牛大大粒，食落好有口感，唔會焗到乾晒，而且香草牛油超香，配埋佢哋熱辣辣嘅sourdough一齊食，超香口超好食！！⠀⠀Rolled Pork Tenderloin and Lard 🥓⠀點解會嗌呢個main係因為我係佢哋IG見到整呢個道菜嘅過程，覺得幾特別幾有心思，出到嚟都真係好食！用肥豬肉包住tenderloin，一肥一瘦嘅組合好過癮，肥豬肉充滿油脂感，tenderloin就非常軟腍，煮得啱啱好，口感同味道食落有啲似燒肉，但又冇燒肉咁鞋口，點埋用洋蔥煮過嘅honey mustard
⠀
Snails Poitou-charente AOP ($140)⠀
Rolled Pork Tenderloin and Lard ($380)⠀
Duck Leg Confit ($280)⠀
Trio Madeleine ($140)⠀
⠀
Snails Poitou-charente AOP 🐌⠀
佢哋嘅蝸牛係我係香港食過暫時最好食嘅蝸牛，僅次於係法國食過嘅Le Comptoir de la Gastronomie🤯 蝸牛大大粒，食落好有口感，唔會焗到乾晒，而且香草牛油超香，配埋佢哋熱辣辣嘅sourdough一齊食，超香口超好食！！⠀
⠀
Rolled Pork Tenderloin and Lard 🥓⠀
點解會嗌呢個main係因為我係佢哋IG見到整呢個道菜嘅過程，覺得幾特別幾有心思，出到嚟都真係好食！用肥豬肉包住tenderloin，一肥一瘦嘅組合好過癮，肥豬肉充滿油脂感，tenderloin就非常軟腍，煮得啱啱好，口感同味道食落有啲似燒肉，但又冇燒肉咁鞋口，點埋用洋蔥煮過嘅honey mustard，真係好似中式燒肉🤭重點係！佢連啲配菜都好好食！新鮮青豆同用奶油煮過西生菜，兩樣都好好食！連唔食青豆嘅朋友都食埋一份！⠀
⠀
Duck Leg Confit 🦆⠀
唔知道正宗嘅油封鴨腿係點，但之前食過唔同嘅油封鴨腿，有啲就煎到好乾，有啲嘅鴨腿肉就好鞋口，冇試過食到超級好食嘅油封鴨腿。佢哋嘅油封鴨腿都係偏濃味，煮得好入味，而肉質唔算好鞋，而最驚艷嘅係佢鴨腿塊皮，超香，carry咗成道菜🤯⠀
⠀
Trio Madeleine 🧁⠀
甜品環節，我哋試咗佢哋嘅招牌Medeleine，超！級！好！食！佢哋嘅Medeleine係新鮮焗嘅，所以食完主菜都要等一段時間先有得食。Medeleine食落熱辣辣，外脆內軟，仲有淡淡嘅橙味，非常清新。而佢哋嘅朱古力雪糕亦都非常濃郁，直頭好似係西班牙點churros嘅朱古力醬咁濃，將啲Medeleine同朱古力雪糕一齊食，又係另一番風味😻⠀
⠀
總括嚟講，今餐我同朋友都非常滿足，因為我哋之前都食過其他香港嘅法國菜，有啲係中伏，有啲就性價比好低，雖然呢間都唔算好平，但佢真係好高質，值回票價！係香港搵到好好食會想encore嘅法國菜，真係會好滿足㗎🤍
張貼
