黨99 (已結業)

好少去堅尼地城，成日睇雜誌或者網上都有介紹堅尼地城有一個好靚嘅海旁，今晚就去堅尼地城食晚餐，順便行吓海旁啊。去到已經見到好大好安靜嘅海旁，但係旁邊就有一排好熱鬧好唔同嘅餐廳，見到呢間居酒屋，特別有型格，特別年輕，就一於試一試。我哋好少去居酒屋，就一於飲下佢哋唔同嘅HappyHour飲品。我哋今晚叫咗好多唔同嘅小碟，好多唔同嘅燒物同埋串燒。配酒飲簡直係絕配。餃子好香脆而且份量好多，一碟有六隻。而家雞泡魚乾係我哋都好鍾意嘅食物，每次去親日本餐廳都會點。烤得好香甜。另外叫咗一桶番薯條送酒，食下食下好好食，好味過薯條，帶住啲甜味好唔錯。原條茄子份量好多而且烤得好香口，仲有免治雞肉棒配蛋好滑好嫩。整體都好唔錯而且氣氛好熱鬧，店員都好有禮貌好好人😊誠意推介！