阿元菜市場 (科士街) (已結業)

第一次踏足堅尼地城地鉄站，感覺交通實在太方便，好多未去個嘅地方，都好容易去到，出咗地鉄站行咗一陣，見前面有間叫阿元菜市場嘅食店，自己又有啲肚餓，就入去睇吓有乜嘢食，侍應見我一個人，就比我座係近門口位置，又比餐牌我睇，我叫咗一個頂級牛小排配十全藥膳湯，又有白飯同大廳嘅菜可以任食，鍾意食菜就一流啦，先嚟係藥膳湯，只要湯一滾，就可以放牛小排落去，只係十零秒就食得，肉質好冧，又放埋啲菜落去索吓啲湯，藥味濃厚，需然牛小排唔係太多，但大廳嘅配菜都好夠我食，飲品要咗一杯冬瓜檸檬水，今餐令我好驚喜，居然可以係堅尼地城都有咁好嘅食店，下次可以再來一次。