影片
更多
2020-03-23
115 瀏覽
而家少左出街食飯，就算出街食飯都一定要幫襯黃店，呢個係我地嘅堅持。今次就去左荔枝角嘅一間台式外賣店，入到去都知黃到金，除左有連儂牆之外，仲有好多文宣，提醒我地每一個人都唔可以忘記仲要堅持，總會見到曙光。見到都有唔少人等緊下賣，每一位同路人都要加油喔~我地叫左幾款小食試下，台灣小食一直都係我嘅最愛，諗起之前去台灣旅行都必定去夜市掃街食到飽。經典生煎包 $17$17就已經有三隻，真係好抵，表面煎到金黃色，就咁見到都已經好想食了~ 入面包有幾多餡料，肉味幾香，如果係附近讀書或者做野，黎呢到買一份做早餐都幾好。酥炸芝麻雞翼 $27一共有4隻雞翼，上面灑左好多芝麻，食落更加香口，雖然佢係一道炸物，但食落一啲都唔油膩，而且用高溫炸過所以咬落去都充滿肉汁之餘肉仲好嫩，仲帶有少少椒鹽味，惹味又好食。風味鹽酥雞 $28份量一啲都唔少，每粒雞粒都炸幾好香脆，加埋椒鹽粉嘅味道，食落非常香口，鹽酥雞可能你僧覺得好乾，但呢到嘅鹽酥雞雞肉唔會好鞋口，食落好有驚喜，伴隨野飲簡直一絕，我地好快就食哂。秘汁涼拌青瓜 $15之苧食左咁多香口野，不如食下涼拌青瓜清新一下，秘汁涼拌青瓜個汁酸酸甜甜好開胃，加埋爽脆嘅青瓜令人食
我地叫左幾款小食試下，台灣小食一直都係我嘅最愛，諗起之前去台灣旅行都必定去夜市掃街食到飽。
經典生煎包 $17
$17就已經有三隻，真係好抵，表面煎到金黃色，就咁見到都已經好想食了~ 入面包有幾多餡料，肉味幾香，如果係附近讀書或者做野，黎呢到買一份做早餐都幾好。
酥炸芝麻雞翼 $27
一共有4隻雞翼，上面灑左好多芝麻，食落更加香口，雖然佢係一道炸物，但食落一啲都唔油膩，而且用高溫炸過所以咬落去都充滿肉汁之餘肉仲好嫩，仲帶有少少椒鹽味，惹味又好食。
風味鹽酥雞 $28
份量一啲都唔少，每粒雞粒都炸幾好香脆，加埋椒鹽粉嘅味道，食落非常香口，鹽酥雞可能你僧覺得好乾，但呢到嘅鹽酥雞雞肉唔會好鞋口，食落好有驚喜，伴隨野飲簡直一絕，我地好快就食哂。
秘汁涼拌青瓜 $15
之苧食左咁多香口野，不如食下涼拌青瓜清新一下，秘汁涼拌青瓜個汁酸酸甜甜好開胃，加埋爽脆嘅青瓜令人食唔停口，雖然只係簡簡單單，但已經做得唔錯。
秘制溏心蛋 $7
原來佢地用左紹興酒去煮，所以食落會充斥住好濃郁嘅酒香，煮得好入味，一咬落去就見到啫喱狀嘅蛋黃，入口即溶，拍得住台灣好多人鍾意食嘅便利店溏心蛋。
台式肉鬆蛋捲餅 $25
香港好少地方食到蛋餅，但呢到就食到喇~我地又點合錯過呢! 薄薄嘅餅皮入面捲住左滿滿嘅肉鬆同蛋，一啖食哂可以塞滿成個嘴，真材實料，如果加埋醬汁就更加好喇~
係香港搵到間平、靚、正嘅店真係買少見少，之後我都會再黎支持一下佢
張貼
