M1 Bar & Restaurant (已結業)

黎到銅鑼灣 周街都係飲野食野既地方 今日都黎到m1 喺一間bar一黎到門口 已經見到幾枝暖燈 冬天飲野唔怕凍💖坐底咗之後 就見到勁大個bar 好有壓迫感😂 旁邊仲有個小舞台 星期六日可能有band show 睇Ham pizza係黑毛豬既pizza 店員話個pizza dough 係師傅日日搓 用完再搓 永無留過夜 有堅持 好欣賞 不過欣賞還欣賞 食物始終都係要食 所以都係味道最重要 pizza 做到好薄好脆 有蕃茄醬 有Cheese ham 仲有火箭菜 味道好fresh 無普通pizza 既膩 同火箭菜一齊食 味道更帶清新✨Grill King Prawn 朋友好鐘意食海鮮 所以點都要食一食海鮮 隻蝦好大 我試咗少少 味道好過癮 本來以為海鮮會用較light既方式去處理 點知今次fusion 咗泰菜 用咗辣椒 葱粒做佐料 同蝦一齊食 除咗鮮 爽 仲有辣 仲要好match ✨✨ 認真好上癮仲有side dish 既沙律 本來以為係普通既芝麻醬沙律 點知食落口 超fresh 超 好食 岀面食沙律成日食到啲苦澀味 但依盤丁丁都冇 抵讚之後原來店員咁新鮮係因為材料日日運黎 絕不留過夜 好欣賞