味滿

營業中

休息中

今晚，在铜鑼灣做完嘢，然後帶朋友去天后“味滿“食粥食牛腩。開業兩年，喜歡食這裡的粥，腸粉，炸鯪魚球和牛腩。及第粥，師傅堅持以舊式做法，用心用時間去烹煮粥底，夠綿夠香，豬什足料新鮮。蝦腸粉，即叫即做。今晚，用晒韮王，冇咗韮王既香，反突顯蝦既鮮味，不错。雲吞，細細隻，薄皮包着鮮蝦肉，可以一口一隻，湯底，係以前既雲吞湯底味道，現在少遇上。熱辣辣即炸鯪魚球，奉上枱，熱力將鯪魚肉香同陳皮香，直撲上來。點點蜆介汁，立即咬一口，勁惹味。侯柱牛腩飯，濃香侯柱汁牛腩，保持老一輩既做法，不是現在本地常吃的滷水汁牛腩，吃到舊日情懷。最後，飲凍羅漢茶和熱薏米水。羅漢果茶，夠濃。薏米水，帶薑味，祛濕祛寒，不错。店長友善待客，出品堅持舊有風格。努力！