Fifty Fifty (已結業)

今日成兩點先至有時間食午餐，路過呢度嘅時候，見到有Set Lunch幾吸引，咁就行咗入去試吓。叫咗$88嘅「燒澳洲肉眼扒配牛肝菌汁｜配餐湯」，呢個午餐仲連意粉，亦都有甜品。點完餐大約30秒，個餐湯就已經嚟到，真係超級有效率，今日餐湯係蘑菇湯。澳洲肉眼扒亦都係超級快就到，大大塊賣相幾好，肉眼扒大約八成熟，肉質有咬頭，幾好味，配牛肝菌汁同埋意大利粉一齊食，亦都幾好味。甜品係芝士蛋糕，唔錯。仲叫咗一杯益力多梳打，凍冰冰兼酸酸甜甜非常開胃。