堅信號上海生煎皇 (花園街) (已結業)

「堅信號生煎包」依個名聽左好耐，亦知道佢有好多分店，不過身為上海菜粉絲嘅我都系慢人一步去試。去到時間剛剛好過左下午茶，唯有散點，不過睇吓散點價錢都幾貼地。雞絲粉皮$28；上海醬蘿蔔$20前者粉皮吾夠滑，麻醬夠多，基本上每啖都食到香口的麻醬。後者爽脆，醬油和醋平衡恰好。堅信號生煎包 $36果然系震店之寶，生煎包個底煎得夠香脆，肉汁澎湃，有肉香，抵推。「灌湯小籠包」$32小籠包即叫即點，摺紋工整，皮薄；湯汁滿，有水準喎！「京蔥牛肉菜飯 」 $62上海式炒京蔥牛肉，夠鑊氣；牛肉冇用鬆肉粉，質感軟稔；京蔥有獨特的香味。菜飯略嫌菜吾夠多，用左珍珠米較為黏口。凍豆漿$12好濃嘅豆香，而且好大杯。