NUTTEA (海光街) (已結業)

鰂魚涌呢間飲品店Nuttea，以堅果奶茶為主打，上網一搵，原來佢係來自台灣，用堅果奶取代牛奶嚟沖飲品，冇牛奶同奶精，更加健康。佢哋嘅堅果奶同堅果奶蓋，用上腰果，夏威夷果仁，榛果，核桃同埋杏仁製成。除咗堅果奶，堅果奶茶，佢哋都有茶，水果茶同咖啡選擇。外賣咗杯季節限定嘅南瓜堅果奶返公司飲，呢個款式只限熱飲，攞到返公司時已經係微暖，飲落去堅果味好出，相對嚟講，南瓜味就較淡，雖然同我預期有少許出入，但都ok嘅，不過要$42一杯，有點貴，所以試過就算。