NUTTEA (海光街) (已結業)

我係一個抹茶控，所以對抹茶飲品味道要求非常高，但又唔鍾意幫襯一啲連鎖飲品店，最近見到呢一間堅果奶茶喺鰂魚涌新開，呢間飲品店係標榜用堅果奶去製造飲品，見咁得意所以就去試吓，佢係一間好細間嘅飲品店，得一張高椅坐。堅果奶蓋抹茶$38，我就叫咗少甜，呢杯野好足料，佢嘅奶蓋好驚喜，係榛子味奶蓋係非常香滑，個抹茶拿鐵係飲得出係落咗好足料嘅抹茶粉，個堅果味嘅奶蓋個味道同個抹茶係好夾，個奶蓋同個抹茶比例啱啱好。非常滿意，我飲嗰時鋪頭冇乜人，個台灣小哥店員好友善，仲問我好唔好飲，仲另外俾咗少少朱古力奶蓋我試吓，個朱古力奶蓋一樣咁好味，所以呢一間飲品店我會再返嚟試佢其他嘅飲品。