Red Rice 米飯主題餐廳 (六合街) (已結業)

今日本打算頹食中午飯。被同事帶去一間四不像餐廳。看似港系，餸似日韓😳雖然係咁，食物素質非常好！睇落真係以為係韓國餐廳。見到個日本定食盒😂地獄肥牛定食！個肥牛真係辣到無朋友，又花椒，又八角，仲有辣椒。一入口就要飲水，食得辣一定一定要試！另有幾片菜減辣。個飯用珍珠米，無煮冧，一粒一粒，真係要俾一百分佢。見到唔覺辣，一入口辣到媽咪叫。同事點鴨胸飯，肉唔多，但勝在米飯一樣咁完美。位位41。中午飯黎講性價比好高。