極上日本料理 (已結業)

一坐底，兩個人，佢俾左一杯茶，話爭住你一杯茶先，點知過左十分鐘先黎第二杯。算數，叫左個魚生飯，送湯，甜品，茶，小食。好，小食要左炸餃子，有兩舊，皮脆，夠熱，唔算太差。無啦啦黎左甜品，係一粒唔知咩既好似啫哩或乳酪既物體，當然係可以係超市十多元一大包那貨色。魚生飯，魚生無切碎，有三文魚，油甘，吞拿，墨魚，尤魚，蟹子，生菜絲，好似好多咁呀呵？食落你就知！嘩，飯係用一般絲苗米，唔係用珍珠米，魚生薄，唔新鮮，飯又一舊舊，唔知點咁，芥辣得個攻鼻，唔香。個湯，仲人都知你沖粉啦，但衰在唔夠熱，又唔夠濃，差。凍檸茶三片檸，少左一點。大熱天時坐門口，佢地一開門就一陣熱風吹埋黎，好差。