靠得住粥麵小館 (已結業)

今晚約咗好姐妹係屯門食飯，佢哋介紹食呢間靠得住，去到都有人排隊等位，等咗5分鐘就有位。我哋叫咗杏汁燉白肺湯，菠蘿咕嚕肉，芽菜水晶雞(半隻)，腐乳通菜炒牛肉和混醬腸粉。杏汁燉白肺湯，跟餐加28元好抵，所以叫咗2碗，好香濃杏仁味，豬肺好林，好好飲。菠蘿咕嚕肉，啲咕嚕肉勁脆，啲汁好開胃，送飯一流。芽菜水晶雞(半隻)，雞好滑，有芽菜墊底，啲芽菜好爽口。腐乳通菜炒牛肉，份量少咗啲，但好香腐乳味，牛肉好食又唔韌，通菜都好爽口。混醬腸粉有驚喜，腸粉好滑，啲醬好香，真係好好食。整體上都好滿意，環境都幾好，坐得都舒服，佢個茶係蘋果茶，好好飲，過咗開心的一晚。