影片
更多
2023-06-29
45 瀏覽
我係香港好少食tapas，因為通常價錢都幾貴下。如果撞岩啲野食唔好味既真係會好曬錢。✨✨✨前幾日同朋友去左Casamigos食tapas。呢間係多位朋友之前食過都力讚既，所以對佢既期望都幾高。而事實係佢亦無令我失望，當晚嗌左8樣野食，樣樣都真心好食🤤啲staff亦都好nice，同埋坐得好舒服。當晚8點幾去到，一打開𨋢門已經見到坐滿曬人😮得返1張2人枱咁大把，所以我要求坐outdoor。夏天坐outdoor有時都幾難頂，但呢到有把風扇吹住又幾涼爽，無出過汗。加上出邊少人，所以坐得好舒服。✨✨✨✨Red Sangria $98✨Cava Sangria $108食西班牙菜飲sangria就例牌架啦，一紅一白好解渴😋 其實呢到有啲幾得意既cocktails，下次可以試下。Cold Tapas :✨牛他他 $90呢個係侍應介紹既。牛肉脂肪少又無筋，口感鬆軟又有肉味。配個超百搭既辣蛋黃醬，完全喚醒我既味蕾😋✨蕃茄鯷魚脆包 $75/3pcs鯷魚配蕃茄係好傳統既西班牙tapas。鯷魚有時食落會好腥，但呢個無乜腥味，反而帶點鹹鮮味。簡單加蕃茄已經好好味😋Hot Tapas :✨香煎鵝肝多士配無花果醬
✨✨✨
前幾日同朋友去左Casamigos食tapas。呢間係多位朋友之前食過都力讚既，所以對佢既期望都幾高。而事實係佢亦無令我失望，當晚嗌左8樣野食，樣樣都真心好食🤤啲staff亦都好nice，同埋坐得好舒服。
當晚8點幾去到，一打開𨋢門已經見到坐滿曬人😮得返1張2人枱咁大把，所以我要求坐outdoor。夏天坐outdoor有時都幾難頂，但呢到有把風扇吹住又幾涼爽，無出過汗。加上出邊少人，所以坐得好舒服。
✨✨✨
✨Red Sangria $98
✨Cava Sangria $108
食西班牙菜飲sangria就例牌架啦，一紅一白好解渴😋 其實呢到有啲幾得意既cocktails，下次可以試下。
Cold Tapas :
✨牛他他 $90
呢個係侍應介紹既。牛肉脂肪少又無筋，口感鬆軟又有肉味。配個超百搭既辣蛋黃醬，完全喚醒我既味蕾😋
✨蕃茄鯷魚脆包 $75/3pcs
鯷魚配蕃茄係好傳統既西班牙tapas。鯷魚有時食落會好腥，但呢個無乜腥味，反而帶點鹹鮮味。簡單加蕃茄已經好好味😋
Hot Tapas :
✨香煎鵝肝多士配無花果醬 $68/pc
鵝肝肥美、質地細膩、多士好脆，配無花果醬可以中和返個肥膩感😋
✨蠔仔蛋配芫荽蛋黃醬 $130
呢個芫荽愛好者必嗌！個蛋餅夠曬蛋香同埋超多料！有好多蠔仔同洋蔥😋個芫荽蛋黃醬真係好重芫荽味！如果可以買一枝醬返屋企我會買😂
✨橄欖油大蒜虎蝦 $1384隻虎蝦好大隻仲要去埋蝦腸，好爽口彈牙。蝦頭仲有蝦膏可以啜，配麵包索曬汁，好正😋
✨蒜蓉白酒煮蜆 $110
蒜味勁香！啲蜆幾大隻，粒粒新鮮又無沙。係個汁咸左些少，但咸得黎仲係好好味😋
Main :
✨西班牙烤乳豬 1/4 $398
呢個烤乳豬價錢唔可以話係平，但個質素好高👍🏻個皮薄脆到不得了！皮與肉之間有一層薄薄地既肥膏，肉質超嫩又多汁。1/4隻呢個份量2個人食岩曬，個乳豬醬食落有蘋果味，連續食左幾嚿都完全唔覺得膩。😋
Sweets :
✨紅絲絨油條配士多啤梨朱古力醬 $88
Churros配朱古力醬就食得多啦，紅絲絨味配士多啤梨朱古力醬真係第一次食。
Churros外脆內軟，士多啤梨朱古力醬酸酸地又甜甜地，唔會太甜太漏😋
張貼
