強記美食 (已搬遷) 新店位置

每年天氣一轉凍或者落雨 我就會好想食灣仔強記 鍾意食糯米飯嘅朋友真係唔可以唔識強記 佢哋嘅臘味糯米飯堪稱全港最強💥！ 就喺駱克道同馬師道交界 見到鋪頭門口岀晒煙嗰間就肯定無錯喇 餐廳堂食座位唔多 絕對唔乾淨但尚算企理 為咗碗飯我願意接受😂😂.強記喺1950年開業 由2016年起連續幾年獲得米芝連街頭小食推介🎖 招牌臘味糯米飯一年四季都有賣 不過冬天就賣得特別快🔥 碗糯米飯本身已經有切粒嘅臘腸、臘肉、蝦米、冬菇 仲有大量香蔥碎 非常足料👍🏻 飯底口感軟糯 仲吸晒啲臘味油香 但又油而不膩 臨上枱前再落少少甜豉油超正🤩 論味道同水準真係咁多年都維持不變 搞到我每年冬天都要介紹比朋友先安樂 不過聽聞有時黃昏就賣晒 大家千祈唔好同我爭🤪🤪