伍佰海鮮火鍋

營業中

休息中

係OpenRice話2:00am收，但就12:00am就趕人走！首先，我訂枱時已經係10:15pm，咁火煱角度你要人1小時45分鐘內走人，而冇時前通知，已經係有問題。再者，因為所謂大堂被人包場，所以俾咗有卡拉ok房我，然後，冇任何指示下，我開咗部機唱K，甚至當時有樓面職員，甚至應該係經理級人士入我房，見到我唱K但也沒有阻止，結果，到12:00am趕客走時，威脅話因為我開咗卡啦ok，一係即走，一係俾番因為用咗卡啦ok而要付的所謂買低銷費$3000。所以問題就係，第一，我book枱時你要話清楚你哋係幾點關鋪，而唔係我就咁以為OpenRice話幾多，就係幾多；第二，佢哋有樓面同事甚至應該係經理見到我唱K，如果係要收錢，佢哋要一早講，而唔係係趕客走要收工時先話要收卡啦ok費！簡單講，咁嘅客服係唔會令人再想幫襯！