華輝餐廳 (已結業)

大埔，除左豆腐花外，仲有另一名物，大雞批。呢到D雞批有分大和細。大的，同你塊面差不多size;而小的，同小朋友手掌差不多大。而識食，一定食大批切件，原因好簡單，餡多餅皮少ma.呢到既雞批，最特別的地方應該係食一件已經可以當飯食。批內的雞是滑的，而且好creamy,可能我本身對肉批沒特別喜好，所以我應該唔會encore.另一款蘋果批，也是以大件頭聞名，超多蘋果，而且入面有提子乾，所以幾好咬囗，如果個餅皮可以脆身D，效果應該會更好。至於蛋撻，就真係麻麻，可能因為撞唔正出爐，凍食，真係乜都扣曬分。