語命Cafe (已結業)

今日去咗先達整電話, 就去左搵呢間先達樓上嘅cafe, 地點超級方便, 喺正小巴站隔離個入口。search 下 見佢口啤好好 又有塔羅牌玩就去試下啦, 大廈有少少舊嘅感覺但一入到去間cafe 就好安心喇。入面好多星座星空裝飾,可惜當日塔羅師不在,玩唔到塔羅牌。咁就唯有叫嘢食先啦，叫咗個黑松露雜菌意大利飯，個意大利飯有好creamy而且有好濃郁嘅黑松露味道。嗰啲飯都好煙韌，每一啖飯都一定食到有雜菇,真係用料十足咖。 飯份量都算大份,對女仔來講有啲多添。cafe 黎講佢飲品唔算多款, 但都幾適合女仔飲,我同朋友叫左玫瑰草莓紅茶 同蜜桃紅茶,都係花茶系列,黎到見佢咁淺色仲以為無味,但飲一啖!好香玫瑰花味及草莓甜味,十分清新嘅配搭。蜜桃紅茶，啖啖都有蜜桃味但又唔會好甜，味道均行, 唔錯!!!整體黎講地點方便, 價格食物質素都合理, 可以再黎。