豚道樂 (大河道) (已結業)

好少有咁約埋啲中學同學一齊出嚟嚟個下午茶聚，傾下偈聚吓，行行吓見到呢間竟然唔係好多人排隊，前面得四個人咋！即刻撲埋去排啦！想試好耐啦，但次次都好多人放棄咗！咁啱又會比我見到無咩人，真係好啦！排咗差不多三十分鐘，但其實傾傾吓，根本都唔覺啲時間過，到我哋啦，都算快嘅！咁難得機會又見到有特別嘢，就識個特別少少㗎啦，叫咗個日本芥末拉麵，成個麵都係綠色嘅，一嚟到就緊係飲啖湯先啦！味道都算濃，但佢又唔會有真係食wasabi嗰種咁攻鼻嘅感覺，都可以接受嘅，份量都唔細，仲有我鍾意食嘅塘心蛋，但你問我係咪真係好值得去排呢？我又唔係咁覺，試吓無妨嘅，真係再要排隊就唔好啦，哈哈！