台灣麵

營業中

休息中

接完個女放補習，佢話有啲肚餓...所以周圍行吓，睇吓邊間餐廳冇咁多人，而家疫情期間～其實間間餐廳都依然係爆棚，只不過睇吓邊間冇坐得咁密啫⋯⋯有啲離譜到整塊隔板，但同對面嗰個食客面對面距離唔夠30cm！😖喺元朗兜咗一大個圈終於經過台灣麵，呢間餐廳不嬲都出名多卡位，見冇乜人所以入咗去起碼安全啲！😊嗌咗個炸雞髀沙律，豬扒包同珍珠奶茶！珍珠奶茶冇奶茶味，珍珠勁甜，可以話係一杯奶水。炸雞髀好細隻同埋冇味，上面加佐勁多椒鹽，不過比我剷走晒！😅沙律好難食，大部份係薯仔，有幾粒青瓜同埋紅蘿蔔！豬扒包最正常，包皮都脆，豬扒OK！如果好肚餓，又想搵安全距離食飽個肚嘅話都可以考慮！但性價比唔高囉！$38食一隻咁嘅質素嘅雞髀！🙈