韓日屋燒烤放題 (已結業)

返工壓力大，放工要將壓力化為食量，就選擇左去食放題。見附近有間又有燒烤又有日式放題嘅餐廳，一次過滿足晒2個願望，即刻去試下先。呢度原來收費係可以只食燒烤，再加30蚊就可食埋日式放題，收費都好有彈性。坐底先睇下有乜食，款式比我預期多好多。根本就係韓式燒烤加日式放題嘅食物款式都可以係度搵到，唔會因為二合一就犧牲左款式。先叫個刺身，刺身款式選擇多，刺身質素尚可，甜蝦細隻但鮮甜。第二回合就係燒烤，燒左好多唔知乜野部位嘅牛肉，最好味都係牛肋骨。牛肋骨肉質超林，牛肉唔使點汁都己經夠味，再用生菜包住食，即刻無咁熱氣，超正。另外比較有特色嘅係燒蠔，呢度係用個錫碗仔燒黎食，冇乜見其他地方有。蠔都唔係細隻，鮮甜，再加上蒜蓉，又係要加單。重有好多唔同嘅熟食，好似炒蜆，炒螺，天婦羅咁，全部都不過不失。最後重有雪米糍同雪糕。胃口細D都食唔晒。